Sortzeko modu ezberdinak

 
1999. urtean jarri zen martxan presaren oinaldeko zentral hidroelektrikoa, non turbinatzen den bai biztanleriaren hornidurarako emaria nola emari ekologikoa. Ordutik instalazio berriak eraiki dira eta gaur egun urtean 30.000 MWh sortzen dira.

Añarbek bi zentral hidroelektriko, kogenerazio planta bat eta zortzi eguzki-zentral fotovoltaiko ditu (instalazio batzuen teilatuetan).

Zentral hidroelektrikoak

Añarbeko presaren inguruan daude kokaturik. Lehenengoa 1999. Urtean eraiki zen presaren oinean, biztanleriaren hornidurarako emaria eta emari ekologikoa turbinatzen ditu, 2.500 l/s-ko kontzesio batekin.

  • Añarbe I zentral hidroelektrikoa

    Añarbe I zentral hidroelektrikoa

  • Añarbe I zentral hidroelektrikoa (Turbina)

    Añarbe I zentral hidroelektrikoa (Turbina)

  • Añarbe II zentral hidroelektrikoa

    Añarbe II zentral hidroelektrikoa

  • Añarbe II zentral hidroelektrikoa (Turbina)

    Añarbe II zentral hidroelektrikoa (Turbina)

2000. urtean, Añarbek bere gain hartu zuen XIX. mendeko antzinako zentral baten ustiapena, urtegitik ura hartzen zuena (1.500 l/s-ko kontzesio batekin). Xedea zen, haren ustiapena eta errentagarritasuna kontrolatzea eta biztanleriaren horniduraren segurtasunaren menpe jartzea.

Añarbe I eta Añarbe II-ren energia elektrikoaren batez besteko ekoizpena 10.500 MWh-koa da (gutxi gorabehera 2.600 etxebizitzetako kontsumoa), urte batetik bestera aldaketa txiki batzuekin; zeren esan behar da, bi zentralak kokatzen direla penintsulako inguru euritsuenetako batean.

 

Kogenerazio-planta

Hondakin-uren arazketa-prozesuan sortzen diren lohientzat araztegian lehortze termikorako instalazio bat aurkitzen da, zeinak bero-energia kantitate oso handia behar duen.

Bero hori sortzeko kogenerazio-zentral bikoitza dago instalatua araztegian. Biogasa erabiltzen duten bi motor eta gas naturala erabiltzen duten hiru motor dituena. Horien ihes-gasei eta hozte-fluidoei esker egiten da bero trukea lohien lehortze-termikoaren instalazioarekin.

  • Kogenerazio-zentrala (biogas motoreak)

    Kogenerazio-zentrala (biogas motoreak)

  • Kogenerazio-zentrala (gas naturala motoreak)

    Kogenerazio-zentrala (gas naturala motoreak)

  • Biogas biltegiak

    Biogas biltegiak

Batez besteko energia elektriko ekoizpena 19.000 MWh-koa da (gutxi gorabehera 4.800 etxebizitzetan kontsumitzen dena).

¿Ba al zenekien...edateko uraren hornidurarako instalazioek eta, batez ere, hondakin-uren saneamendu eta arazketarako instalazioek energia elektriko asko kontsumitzen dutela? Soilik Loiolako araztegian kontsumitzen da 4.000 etxebizitzetan kontsumitzen den argindarra.

Eguzki zentral-fotovoltaikoak

Añarbek eguzki energia aprobetxatzen du, zazpi ur-biltegien teilatuetan (Oriabenta, Martutene, Matia, Gamongoa, Orkolaga, Sasoeta eta Kanpitxo) eta Uraren Etxearen teilatuan kokaturik dauden zentral fotovoltaikoen bidez. Guztiak 5 kW-ko potentzia dute, salbuespena Oriabenta da, honek 70 kW-ko potentzia du.

Centrales fotovoltaicas instaladas en las cubiertas

Bertan ekoizten den batez besteko energia elektrikoa 115 MWh-koa da (gutxi gorabehera 30 etxebizitzatan kontsumitzen dena).

 

BISITA GIDATUAK

Izan ditzakezun galdera guztiei erantzuteko modu onena zera da, urtero antolatzen ditugun bisita gidatuetan parte hartzea.

Informazio gehiago

 
Top