Kontsumo uren zainketa

Añarberen eginkizuna da, uraren kalitatea zorrozki kontrolatzea bere jatorrian eta, baita ere, kontsumitzaileari banatzen zaion uraren ezaugarri bakteriologikoak, organoleptikoak eta fisiko-kimikoak kontrolatzea.

Laborategiak ondorengo kontrolak egiten ditu:

• Uraren kalitatearen kontrol eta jarraipena jatorrian: EUTEn sartzen den uraren kontrola egiten da egunero, hala nola urtegian hartzen den uraren kalitatea aldizkako zaintza azterlan limnologikoen bidez. Horien bidez urtegiaren potentzial ekologikoaren jarraipena egin daiteke Europar Batasunaren 2000/60 Zuzentarauren ildoak jarraituz.
• Tratamendu-prozesuen kontrol, jarraipen eta ikuskapena: potabilizazio-prozesuaren fase ezberdinak ikuskatzen dira, indarrean dagoen legeri osasun-teknikoa betetzen dela bermatzeko.
• Kontsumorako uraren kalitatearen kontrol eta jarraipena: banaketa-sareko eta iturri publikoetako uraren kalitatea ikuskatzen da, araudiak finkatzen duen zaintza-maila %30ean gainditzen delarik.

Kontrol eta zaintza unitatea

Añarbeko Urak-ek bere sistemaren Kontrol eta Zaintza Unitate (KZU) gisa jarduten du, baita udalek transferitu dizkioten sistemena ere. Udal-titulartasuneko hornidura-sistemetan, udalek dute KZU gisa jarduteko erantzukizuna, nahiz eta Añarberen laguntza duten jarduera jakin batzuetarako.

Laborategiak urtean milaka lagin aztertzen ditu, eta emaitzak Udaletara eta Eusko Jaurlaritzaren Osasun Sailera igortzen ditu, aldi berean bere webgunean argitaratzen ditu.

Egiaztatze-sistema zorrotz hori osatzen da, neurketa automatikoa duten zenbait estazioetan dauden teleaginte eta telekontrol sistematik, etengabe, jasotzen den informazioarekin. Horri esker, une oro, ezagutu daiteke banaketa-sisteman dagoen uraren Ph, uhertasun eta kloro balioak.

Ezagutu ur edangarriaren ezaugarriak

PDF jaitsi

Ba al zenekien… laborategiak urtean 10.000 laginetik gora aztertzen dituela, eta emaitzak Eusko Jaurlaritzaren Osasun Sailaren webgunean argitaratzen direla?