Saneamendua
Hondakin-uren jasotzea eta garraioa
Saneamendu-sistemak jasotzen ditu Mankomunitatea osatzen duten hamar udalerrietako etxe eta industrietako hondakin-urak. Halaber, eurialdietan itsasora bideratzen dituzte saneamendu-sareak jaso ezin dituen euri-urak.
Tratatu nahi diren hondakin-urak Donostiako Loiolako HUAra (Hondakin Uren Araztegira) eramaten dira hiru kolektore nagusiren bidez: Santa Katalina (Donostia), Urumea (Urnieta, Hernani, Astigarraga, Usurbil eta Lasarte-Oria) eta Herrera (Pasaia, Lezo, Errenteria eta Oiartzun).
Saneamendu-sareak gehienetan grabitatez funtzionatzen badu ere, hondakin-uren ponpatze-estazioak behar dira kolektoreak sakontasun handian jarri beharra ekiditeko eta urak araztegira bultzatu ahal izateko. Saneamendu-sistema ekaitz-biltegiek osatzen dute, uholdeak ekiditea eta isurketak ibilguetara ez iristea da haien xedea.
Saneamendu-sareen funtzionamendu zuzenerako beharrezkoa da ikuskapen eta garbiketa lan batzuk egitea, euri-uren harguneetatik edo erabiltzaileek egiten dituzten isurketa desegokien ondorioz sartzen diren hondakin solidoak kentzeko.
Ba al zenekien... 1994. urtean onetsia izan zen Añarberen Saneamenduko Eskema Orokorra osatzen duten hondakin-uren saneamendu eta arazketarako azpiegitura nagusien eraikuntzaren kostua 313 milioi eurotik gora izan dela, hau da, 7½ aldiz Donostiako Kursaal eraikinaren kostua?
URAREN ZIKLO OSOA
Urak egiten duen ibilbidea, Añarbeko urtegian jasotzen denetik, eta behar den bezala araztu ondoren, itsasora isurtzen den arte, Monpas inguruan urpeko isurbide baten bidez eta 50 metroko sakoneran.
