Añarbeko Uren Administrazio Kontseiluak Hernaniko Lastaola industrialdeko saneamendu sarea berritzeko obren lizitazioa onartu du, 282.081 euroko zenbatekoan.
Lan hauen bitartez Urumea ibaiaren ibilgua sifoi baten bidez gurutzatzen duen kolektorearen ordez kolektore berri bat jarriko dute, zubiari itsatsita. Sifoi hori hondatuta dago, behar bezala mantentzeko zailtasunak direla eta.
Gainera, Lastaola industrialdeko batzarreko hondakin uren ponpaketa estazioa ere berrituko da, poligonoaren behealdeko erabiltzaileei ez ezik, bertako goiko zatiko erabiltzaileei ere (Ubis zintak…) zerbitzua eman ahal izateko. Obrak bukatu ondoren, estazioa Udalaren titulartasunekoa izanen da eta, horrela, instalazioaren mantentze eta funtzionamendu hobea bermatuko da.
Berritu behar den kolektorearen tartea Urumeako kolektorearen parte da. Kolektore horrek Ereñozu, Fagollaga eta Epele eremuetako hondakin urak biltzen ditu, Donostiako Loiolako HUAra (hondakin uren araztegia) bideratzeko.
Obrak uda ondoren hasiko direla aurreikusten da eta hiru hilabete iraungo dute. Beraz, obrak 2022. urte bukaerarako buka litezke gutxi gorabehera.
